4ª SEMANA CORESMA

Fai unhas catro semanas que comezamos a Coresma, o tempo que nos prepara e axuda para vivila Pascua. Para poder vivir esta festa, tan importante para nós, non podemos ter o noso corazón rachado e desfebrado; temos que chegar cun corazón emendado e cheo de vida. Nada lle dá vida ás persoas como sentirse queridas e amadas. Por iso nesta semana invítasenos a que deixemos entrar a Deus no noso corazón para que cure as nosas tristezas, feridas, cansazos… para elo temos que facer coma o fillo pródigo, reflexionar e darnos conta que, ao carón de Deus, podemos ser máis felices e vivir con máis dignidade e ledicia. O camiño do perdón é un camiño de volta e no fin dese camiño atopamos sempre uns brazos estendidos esperando a nosa chegada.