NATIVIDADE DO SEÑOR

A Natividade, eso é o que hoxe celebramos. Que fai máis de 2000 anos naceu Xesús e con el nacía todo de novo. Celebramos que Deus fíxose home e esperanza dos homes. Non só

nacía un Deus feito home, senón que, nese momento, nacía a esperanza duna nova humanidade. 

Falar de esperanza nos tempos que corren é complicado e tamén difícil de entender para os que nestes momentos sofren as consecuencias da guerra. Para  miles de persoas que viven na rúa ou para os que a crise económica deixounos sen traballo. Para todos eles é complicado, celebrala esperanza. 

Este año, a todos, tócanos ser como Xoán e dar testemuña desa luz que, dende unha pequena corte de Belén, xunto a uns pais que tamén estaban pasando por malos momentos, iluminou ao mundo enteiro. 

Temos que ser reflexo de Xesús. Temos que iluminar aos que, non só nestes días, senón durante todo o ano, foron perdendo as esperanzas e as ganas de celebrar. 

Festividade do Nadal

O Nadal chegou ao colexio. Este ano volvemos a  celebrar un dos acontecementos máis destacados e importantes do curso escolar, que non é outro que o noso tradicional e emotivo Festival De Nadal. 

A emoción e a ledicia inundaron todos e cada un dos recunchos do noso colexio, cunhas familias completamente entregadas no salón de actos e uns alumnos e profesores moi concentrados, alegres, contendo os nervios dende as bambolinas e desexando transmitir a emoción tralos días de intensos ensaios. O  resultado final, simplemente, foi espectacular. 

Cada etapa celebrou a chegada do Nadal  con gran ledicia e tenrura  nos diferentes festivais  que tiveron lugar nos últimos días do trimestre. Os primeiros foron os nenos de Infantil e o 1º ciclo da Primaria que  fixeron desfrutar a todo o público asistente mergullándoos nun ambiente máxico e moi navideño. 

Ao día seguinte, o 2º e 3º ciclo da Primaria  puxeron en escena un festival de panxoliñas no que amosaron  o seu talento un ano máis, con grandes actuacións e  bailes, onde daban a benvida ao Nadal , e con el o remate do trimestre. 

Como o broche a estes días de celebración tivemos a Eucaristía de Nadal coas familias e a Comunidade Educativa onde se  nos invitou a abrilo noso corazón para que Cristo naza nel, e a que levemos ese amor que Cristo nos da a todos os que nos rodean; especialmente a aqueles que máis o  necesitan. 

Finalmente, Sor Agustina  enviounos un saúdo de Nadal a tódalas familias do colexio; para que todos sexamos testemuñas vivas de esperanza, a pesares das voltas que o mundo nos dá, pero  Deus non nos deixa abandonados. Que o tempo de vacacións sexa de familia e do coidado. 

¡¡BO NADAL, FAMILIAS, ALUMNOS E PROFESORES!! 

ç

UN MILLÓN DE GRAZAS!!!

 

É unha enorme ledicia constatar que, na nosa comunidade educativa, o sentido da fraternidade solidaria e a caridade evanxélica fanse presentes unha e outra vez. 

En ocasións parece que as nosas posibilidades de axuda son escasas, pero entre todos, somos capaces de acercar, a quen o precisa, un sopro de dignidade, que é necesaria e imprescindible para cooperar na instauración do Reino de Deus na nosa terra. 

A vosa aportación é moi valiosa, con cada unha estamos un pouquiño máis preto de conseguir un futuro con persoas que teñan máis doado o acceso a unha vida digna. 

Gracias a vosa colaboración estamos máis preto. 

 

IV DOMINGO ADVENTO

Hoxe comezamos a cuarta semana de Advento, acendemos a vela branca. Estamos xa preto do Nadal. Esta última semana de Advento lévanos a acoller a Xesús, a facerlle un sitio entre nós, axiña nacerá. No evanxeo de hoxe, Xosé acepta a vontade de Deus de coidar a María e ao Neno. O exemplo de ámbolos dous motívanos a querer e coidar as persoas que nos rodean, así acolleremos a Xesús neste Nadal. Deus nace en nós, confiemos no seu amor.

III DOMINGO DE ADVENTO: ALÉGRATE

 

Estamos no terceiro domingo de Advento, o domingo da ledicia e a conversión: “Alegrádevos porque o Señor está preto”, dinos o profeta. Esta semana acendemos a terceira candea (vermella), a candea da ledicia e a conversión. 

Este domingo quere espertar en nós sentimentos de ledicia, esta ledicia permítenos saber que Cristo está preto, e libera aos pobres dos seus males.  Chamámolo “Gaudete”, porque nel todo nos invita a alegrarnos, pero tendo en conta, quen é a causa, especialmente para os máis pequenos, débiles e sinxelos. Pero coa Palabra que nos trae hoxe a súa presencia, ven tamén a inquietude de buscalo, esperalo, e facelo presente. Este é o noso  reto no Advento. 

II DOMINGO DE ADVENTO

Neste segundo Domingo acendemos a segunda vela (verde) e fixámonos no Bautista, que encarnou o papel de crente, da persoa que acolle con confianza a Palabra. 

Neste  domingo, Xoán Bautista invítanos a facer do Advento  un  tempo de coidar a outros e de coidarse moito, de cambiar hábitos non axeitados, de descansar, rezar, servir e amar. Este é un tempo que nos invita a vivila virtude da Esperanza, por iso alimentemos a semente da ledicia e a esperanza que Deus puxo dentro de cada un de nós, para ser as súas Testemuñas. 

INICIO ADVENTO

O pasado domingo 27 de novembro comezamos o novo ano litúrxico co inicio do Advento. Este tempo litúrxico, que rematará  o 24  decembro, é o anuncio da vinda do Salvador. O Advento renóvanos cada ano e nos tempos que vivimos, faise especialmente imprescindible porque é un momento de espera e esperanza, de reflexión e de conversión, de cambio de actitudes e de vida nova. Xa que moitas veces estamos tan enfrascados no día a día, con tampouco tempo para os demais e incluso para nós mesmos, que non temos o espacio preciso para a reflexión, a oración, a falar con Deus do que nos sucede ou desexamos.  E como a oración é inseparable das boas obras

: é tempo de cumprir as promesas. De actuar, porque a vinda do Señor está cerca. 

ACTOS EN HONOR Á VIRXE MILAGROSA

Esta semana como colofón a unha semana de actos en honor a Virxe Milagrosa os alumnos de tódalas etapas visitámola capela para levarlle as nosas grazas e pedir tamén polas persoas que non poden achegarse a ela. 

Iniciamos a semana cunha xornada de inchables onde desfrutaron dende os máis pequenos de infantil ata os non tan pequenos , alumnos da ESO. 

O broche final tivo lugar o xoves e o venres, onde cata etapa asistíu á capela acompañado dos  seus mestres. Reunímonos ante ela, a nosa Nai, para falarlle dende os nosos corazóns; agradecerlle por todos e todo canto nos rodea e pedirlle perdón polos nosos erros.  A  aparición da Virxe a santa Catarina no 1830 e a misión que lle encomendou. estivo presente en cada unha delas. Estamos seguros que a mensaxe da Medalla seguirá sendo transmitida de xeración en xeración. Sempre lembrando que se a María a queres ben non a adores no altar, imítaa! 

RECADACIÓN DOMUND!!

Queremos agradecer as familias a súa xenerosidade e apoio. Anímanos e danos forzas para continuar comprometidos co noso carisma.

OPERACIÓN KILO

Dende o colexio unímonos a Cáritas, que nos solicita novamente, a nosa colaboración para axudar na súa labor social ás familias con dificultades do concello de Ribeira. Sensibilizados coa complicada situación que moitas familias continúan atravesando, organizamos esta campaña solidaria de recollida de alimentos non perecediros (aceite, legumes, latas de conserva, alimentos infantís, arroz, cacao, azucre, galletas, pasta, fariña...) para que poidan desfrutar do tempo do Nadal cunha comida digna en compañía dos seres máis queridos. Por iso, dende o 1 de decembro ata o día 22 do mesmo mes, pedímosvos a vosa colaboracións. 

Grazas de antemán.

FESTIVIDAD VIRGEN MILAGROSA

 

Hoxe, 27 de Novembro celebramos a nosa festa da Familia: a Virxe Milagrosa. María faise presente no noso día e lembrámola, por medio de Santa Catarina Labouré, con esta mensaxe que quixo deixarnos: “Vinde ao pé deste altar…. Os raios son as grazas que derramo a quen as pide…”. 

Tamén lembraremos aquel 29 de novembro de 1633, día no que Santa Luisa de Marillac reuníu por primeira vez a un grupo de xóvenes que querían consagrarse a Deus no servizo aos máis pobres, vivindo en comunidade. Baixo a súa guía e a de San Vicente de Paúl comezou a Compañía das Fillas da Caridade, nome que o pobo lles deu, “ao ver o que facían”. 

FESTIVIDADE DE TODOS OS SANTOS

 

Hoxe celebrámolo Día de TODOS OS SANTOS e mañá o de DEFUNTOS.  Nesta festa lembramos a todos os Santos, que están no Ceo porque as súas vidas foron testemuña de Xesús e así o recoñece a Igrexa. Pero no só aos canonizados, senón tamén aos santos anónimos: familiares, amigos…, “os santos da porta do lado” que di o Papa Francisco. A eles, a quen rezamos hoxe especialmente é a quen non esquecemos nunca. 

Que estes días sexan momentos de reflexión, lembranza e oración. 

EXPERIENCIA MISIONEIRA

 

Outubro  é o mes Misioneiro que o Papa Francisco propón para concienciar a tódolos cristiáns de  que , polo feito de estar bautizados, somos tamén misioneiros. Este ano no noso colexio tivemos unha visita especial, xa que se atopa con nós Sor Loli. Quen mellor que ela para ser testemuña da misión que Xesús lle encomendou aos apóstolos: “ Ide, pois, e facede discípulos meus a todos os pobos… (Mt 28, 19-20). 

 Ela formou, ata fai pouco, parte dunha comunidade de Fillas da Caridade en Micomeseng (Guinea Ecuatorial), aínda que na actualidade está en España por motivos familiares. Dende a súa sinxeleza e cercanía animounos a Soñar con outro mundo posible onde a inxustiza, a desigualdade deixen de ser a realidade de cada día. 

Ao longo da semana puido compartir cos alumnos da primaria e da secundaria as súas experiencias vividas durante os anos que estivo alí. Os rapaces puideron comprobar como viven os nenos da súa idade, os maiores e a falta de recursos máis básicos para a vida humana: auga, luz, alimentos… e a sorte que temos as persoas que vivimos en España e o pouco que a apreciamos. 

A labor que Sor Loli e a súa comunidade  realizan en Micomeseng é  moi importante , non só relixiosa, tamén social e humana, moitas veces case sen recursos humanos e materiais pero sempre coa xenerosidade e dispoñibilidade do evanxeo. 

Grazas por lembrarnos que  ser misioneiro sae do corazón, de  ter  un corazón sensible ante a dor do mundo,  porque “todos somos unha misión” e todos debemos descubrila. 

 

 

DOMUND 2022

Este domingo 23 de outubro celebramos o DOMUND, co  lema “Seredes as miñas testemuñas”, a xornada quere compartilas testemuñas dos misioneiros, “o rostro más bonito da Igrexa”, 

Nesta xornada, dun xeito especial, a Igrexa universal reza polos misioneiros e colabora coas misións. Este ano, esta data é máis especial, xa que o DOMUND cumpre 200 anos ao servicio da misión. 

FORMACIÓN VICENCIANA

Os profesores tamén necesitamos formarnos, e a iso adicámonos un pequeno grupo o pasado fin de semana en León na Casa Provincial das Fillas da Caridade. Nesta formación centrámonos na importancia do ser, saber e saber facer, como persoas crentes no Deus de Xesús de Nazaret... ao estilo de San Vicente e Santa Luisa. 

Estes cursos fannos avanzar xuntos e mellorar, persoal e profesionalmente, como educadores vicencianos. 

CELEBRACIÓNS SAN VICENTE DE PAÚL

O pasado martes celebramos o día de San Vicente de Paúl, foi un día grande, cheo de ledicia. Foi unha xornada diferente onde vivimos moitas emocións. Na visita á capela abrimos os nosos corazóns á súa mensaxe, adicándolle cada oración e cada canción a esa persoa que nos ensinou que a forza do amor e a súa creatividade fan posible que construamos sonos de PAZ coma el fixo no seu tempo.  

E na hora do recreo todos os alumnos e mestres do colexio compartimos un delicioso chocolate con churros, xogos e risas. Foi unha xornada diferente que nos fixo abandonar, por uns momentos, a rutina dos deberes e as programacións.

                                 PARABÉNS SAN VICENTE!! 

FESTIVIDAD SAN VICENTE DE PAÚL

 

A PAZ!!!

 

INICIO DO CURSO PROFUNDIZANDO NO VALOR DA PAZ

GRACIAS!

Chegamos ao final do curso e con el rematamos a campaña de recollida de alimentos para colaborar con Cáritas-Ribeira. Dende a Comunidade Educativa agradecémosvos a todos a vosa participación e solidariedade amosada. Animámosvos a seguir mantendo presente esta forma de ser, pensando sempre nos demais e colaborando cos menos favorecidos.

MES DE MAIO, MES DE MARÍA

Acabámolo mes de maio, o mes da Virxe María.  María, a nai de Xesús, é  a muller do SÍ. Por iso en cada instante da nosa vida, Ela, como muller fiel, acompaña o noso  camiño, e a testemuña do noso día a día.  

A Vixe María non só foi a nai de Xesús, senón tamén a primeira discípula, aquela que aceptou e levou a cabo a misión que Deus lle encomendou. María distínguese polas múltiples calidades como a súa preocupación e coidado por todos; garda e medita as cousas no seu corazón; a súa alegría que transmite alí onde vai; a súa sinxeleza, a súa forza e fidelidade; a súa entrega, amor e servizo; a súa fe firme e a súa esperanza inquebrantable.

Por iso os cristiáns témoslle unha devoción especial, depositamos todo na súa presenza: a nosa vida, as nocas necesidades, as nosas pobrezas e tamén nela descansan todas as nosas esperanzas. 

Ao longo deste mes lembramos as súas ensinanzas, as súas advocacións, xa que María é para nós modelo de vida, de seguimento, de cercanía, de acompañamento, de compromiso... María é para todos os cristiáns compañeira de camiño e exemplo no seguimento de Xesús.

  

FESTIVIDADE SANTA LUISA DE MARILLAC

 

Cada 9 de maio, a Familia Vicenciana celebra a  Luisa de Marillac, muller intelixente e decidida que iniciou a atención ao servizo aos máis  pobres. Luisa é a cofundadora, xunto a Vicente de Paúl, da Compañía das Fillas da Caridade. Luisa é un fermoso exemplo de entrega incondicional ao próximo. Ela fixo realidade o seu soño, a misión que Deus lle encomendou: atender aos máis necesitados do seu tempo en Francia: nenos abandonados, enfermos, anciáns, persoas sen casa….. Por iso queremos ser portadores da súa labor, facendo que ela sexa o CORAZÓN do noso colexio. 

MES DE MAIO, MES DE MARÍA

Maio é un mes apreciado, abundante e colorido. Este mes pertence ao tempo Pascual, o tempo do Aleluia, da manifestación do misterio de Cristo; é tempo da espera do Espírito Santo, que descenderá sobre a Igrexa que nace en Pentecoste. Neste mes é tradición da Igrexa adicarllo a Virxe María. Ela é a protagonista humilde e discreta dos primeiros pasos da comunidade cristiá: María é o seu corazón espiritual, porque a súa presencia no medio dos discípulos é a memoria viva do Señor Xesús. María é Nai da esperanza, ela ensínanos a crer, esperar e amar. Por iso debemos darlle un lugar especial a María, non porque sexa unha tradición de larga data na Igrexa ou polas gracias especiais que se poden obter, senón porque María é a nosa Nai, a nai de todo o mundo e porque se preocupa por todos nós, intercedendo incluso nos asuntos máis pequenos. Ela indícanos o camiño a seguir.