Dende toda a Comunidade Educativa só podemos darvos as grazas polas vosas achegas e a participación neste día tan solidario. Onde unha vez máis podemos sentirnos orgullosos de Ser Vicencianos e vivir este compromiso solidario.
Pastoral de La Milagrosa de Oleiros
Este é o blog do departamento de Pastoral do CPR La Milagrosa de Oleiros, onde iremos subindo todas as novidades do noso cole relacionadas con esta labor vicenciana.
viernes, 28 de marzo de 2025
miércoles, 26 de marzo de 2025
ENCARNACIÓN
Hoxe celebramos o Día do Si das Irmás, un momento cheo de significado no que as Fillas da Caridade renovan os seus votos. Este acto anual fortalece o seu compromiso coa vocación e asegura a constancia do seu servizo a Cristo.
viernes, 14 de marzo de 2025
BOCADILLO SOLIDARIO
O día 13 de marzo celebramos o Bocadillo Solidario, un pequeno xesto cun gran significado: compartir a maior riqueza , a riqueza da solidariedade. Seguindo o lema de Mans Unidas, unímonos á campaña contra a fame, porque xuntos podemos facer a diferencia. Foi unha xornada de conviencia e colaboración onde, os alumnos xunto co profesorado, realizaron unha camiñata ata o Dolmen de Axeitos.
Grazas a todos por participar e achegar o voso gran de area!
domingo, 9 de marzo de 2025
INICIO DA CORESMA
A imposición da Cinza é un momento sagrado que marca o inicio dun período de reflexión e preparación que é a Coresma. Non é só un ritual relixioso, senón un chamado á acción, un chamado a vivir as nosas vidas de acordo cos principios do Evanxeo. Ínstanos a mirar cara a dentro, a examinar as nosas accións e motivacións, e a buscar a reconciliación con Deus e cos nosos semellantes. Neste tempo de Coresma, renovamos o noso compromiso de vivir en harmonía e lembramos a importancia da humildade e a sinxeleza, valores que están no corazón do Carisma vicenciano. Os primeiros cursos realizaron unha breve celeración falando do tempo de Coresma e os cursos superiores, asistiron á eucaristía do Mércores de Cinza.
viernes, 7 de febrero de 2025
DÍA DA NON VIOLENCIA E DA PAZ
A pasada semana, toda a Comunidade Educativa, celebramos a xornada da non Violencia e a Paz co lema: SOA, SOA, SOÑA A PAZ, onde coa axuda da música e os diferentes elementos muscais quixemos formar harmonías de esperanza, solidariedade e amizade respectando os Dereitos da Infancia. Estes son pezas crave para que as nosas sociedades sigan tendo como obxectivo fundamental a tolerancia, o respecto e a convivencia.
viernes, 24 de enero de 2025
PROXECTOS COVIDE-AMVE
Durante esta semana, os alumnos voluntarios da ESO presentaron unha serie de proxectos solidarios da ONG das Fillas da Caridade (COVIDE-AMVE) aos estudantes de primaria. O obxectivo destas iniciativas é fomentar a solidariedade e o compromiso social entre todos os alumnos, animándoos a achegar o seu gran de area para axudar a quen máis o necesitan. Durante a presentación, os maiores compartiron diferentes proxectos que buscan mellorar a vida de persoas en situacións vulnerables. Os alumnos de primaria mostraron moito interese e entusiasmo, estas propostas queren fomentar nos máis pequenos a semente da empatía e a acción solidaria.
domingo, 19 de enero de 2025
XORNADA DA INFANCIA MISIONEIRA
"Comparto o que teño" é o lema da Xornada de Infancia Misioneira que celebramos o domingo 19 de xaneiro de 2025. Un día moi importante, no que os nenos (e non tan nenos) estamos convidados a axudar aos demais nenos, especialmente aos que non teñen o necesario para vivir ou non coñecen a Deus. Somos misioneiros, e nós imos axudarlles coa nosa oración e o noso diñeiro.