Por sexto ano consecutivo a Comunidade Educativa convidámosvos a colaborar no Proxecto: Ningunha familia sen comida que organizamos en colaboración con Cáritas -Ribeira. Unha iniciativa que ten por obxectivo concienciar durante o curso escolar da situación de vulnerabilidade na que se atopan moitas familias achegando o noso gran de area para facer que ninguén quede sen o acceso aos alimentos básicos. Neste mes de novembro serán os alumnos de Ed. Infantil quen nos ensinen a ser solidarios.
Queremos darvos as grazas pola solidariedade que demostráchesdes o pasado 24 de outubro, acompañando e participando na Sesión de Cine Solidario, iniciativa solidaria levada a cabo polo Claustro de Profesores, onde os nosos alumnos e mestres achegaron o seu gran de area.
Grazas ás vosas achegas logrouse chegar aos 1108,02€ que irán destinados a que OMP siga coas súa importante misión de atender as grandes necesidades coas que se atopan os misioneiros na súa labor de evanxelización por todo o mundo.
A festa de todolos santos que hoxe celebramos, é unha celebración propicia para traer á memoria e pasar polo corazón, os nomes e a vida de tantas persoas, nas que vimos a santidade de Deus. Esta festa é tamén unha oportunidade para renovar a nosa esperanza fronte ao momento que vivimos. Unha esperanza que é paciente pero non resignada. Unha esperanza que nos renova dende o esencial da nosa fe no Deus da vida. Esa esperanza que vemos na santidade cotiá: aos pais que crían con amor aos seus fillos, neses homes e mulleres que traballan para levar o pan á súa casa, nos anciáns e enfermos que seguen sorrindo a pesares das adversidades. Neste esforzo para seguir adiante día a día, vemos a santidade da Iglesia sinxela e humilde. Esa é moitas veces “a santidade da porta da beira”, daqueles que viven preto de nós e son un reflexo da presenza de Deus. Esta vivencia encamíñanos ao encontro cos nosos irmáns santos, que celebramos, e que xa comparten plenamente a vida plena con Deus.
Hoxe celebramos o domingo do Domund. Este é o día no que, dun modo especial, a Igrexa universal reza polos misioneiros e colabora coas misións. Celébrase en todo o mundo o penúltimo domingo de outubro, o “mes das misións”. O lema deste ano: “Ide e convidade a todos ao banquete”, vén dado na mensaxe do papa Francisco e está inspirado na parábola do banquete de vodas do Evanxeo. A misión é un “ir” incansable para convidar o mundo enteiro ao banquete da fraternidade, da Eucaristía. É unha invitación feita co estilo de Cristo con tenrura, caridade e proximidade. É feita para “todos” e, en especial, para os últimos, os excluídos, como afirma o Papa na súa mensaxe. Os misioneiros cambian a vida de moitas persoas en todo o mundo, polo que temos que axudarlles a seguir desenvolvendo a súa labor nas misións.
Fai uns días comezamos o mes de outubro. Este mes é o mes das Misións. Dende que Xesús enviou aos seus discípulos para ser as súas testemuñas ata o confín da terra, a historia da Igrexa foise entrelazando con miles de envíos de misioneiros. Este ano, o Papa Francisco elixÍu como tema a parábola evanxélica do banquete nupcial (Mateo 22,1-14): “Saian as encrucilladas e inviten a todos os que atopen” (v. 9).
Neste Outubro Misioneiro, renovemos o noso compromiso de ser misioneiros que van ao encontro de todos, amando sen distincións e testemuñando coa nosa vida o gran banquete do amor de Deus.
Non hai mellor maneira de comezar o curso escolar que facendo festa. O pasado venres 27 celebramos a festividade de San Vicente. Dende a primeira hora os alumnos dos diferentes cursos foron a capela para aprender de San Vicente e a súa paciencia ante as adversidades e a súa perseverancia para lograr os seus obxectivos.
O noso proxecto educativo, non só se centra en formar as persoas no ámbito académico senón que tamén quere desenrolar diversos valores coma a empatía, a xenerosidade, a responsabilidade ou a solidariedade entre outros. Un ano máis vemos que o proxecto vicenciano está “vivo” en toda a Comunidade Educativa, por iso queremos dárvolas gracias. A vosa solidariedade durante o curso fixo que a sociedade na que vivimos fose algo máis xusta coas persoas con menos recursos.
